يعيش الحب شي عادي يموت الحب وش يعني
مادام قلوبنا ماتت مشاعرها وهي حيه
احسب الحب لاجيته علئ كيفه يطاوعني
مغفل من يعيش بهاالزمن احلام ورديه
من اول ماعرفتك تعطي احساسك وتمنعني
اقول تمون يانبع الحلا والحب حنينه
كثر ماكنت تكذب في كلامك كنت تقنعني
دليل اني علئ كثر الجفا سلمتك ايديه
عشاني قلت لك مابدخل بهالجو طلعني
تروح وتاخذ الدنيا معاك وتقطع الجيه
مع اني قلت لك اذا ماطاعك الوقت الردي طعني
واذا ماجيتني كلك تعال شويه شويه
لك الله يوم اجي مشتاق لك والشوق يدفعني
كاني رايح للموت بيديني ورجليه
واعرف ان مر في بالك تولعني تولعني
مادامه شي في بالك تجيبه ميه بالميه
وصلت لمرحله حتئ الشعور العذب فيه تخدعني
واحس اني علئ النيه وانا فعلا علئ النيه
بكملك كلامي.......بس تكفئ لاتقاطعني
بقئ جمر الكلام ودمعه بالعين مخفيه
امانه قبل اروح وينتهي كل شي طالعني
عشان تعرف وش معنئ العطئ قبل الانانيه
ابرحل والطريق اللي يودي مايرجعني
يبي يغنيني الله عن هوئ حبك وطاريه
خذ الباب بطريقك والعذر ماعاد ينفعني
ترئ ماعاد للحب اهميــــــــــــــــــه
ومثل ماتسمع لفلان ابيك تسمعني
وداعيه. يااخر ليله تجمعنا......وداعيه